وروستی لیکنی

میرویس نیکه د لوړو زده کړو مؤسسې د لسګونو معلولینو او غریبانو سره مرسته وکړل!
میرویس نیکه لوړو زده کړو مؤسسې د خیر او ښیګڼي کمېټې د فعالیتونو په لړکي د روان کال ۱۳۹۸ د جدي میاشتي پر څلرویشتمه نېټه په کندهار ښار کي د لسګونه معلولینو او غریبانو خلګو سره د توسانو مرسته وکړل،
د دې مؤسسې عمومي رئیس ډاکټر نقیب الله افغان وویل موږ ټول د ټولني د غریبي طبقې پر وړاندي مکلفیت لرو چي د هغوۍ سره مادي او معنوي مرسته وکړو،
د ښاغلي ډاکټر افغان په خبره چي ادارې یې تر دې وړاندي نژدې (۱۵۰۰) غریبو ځوانانو ته په لوړو تخفیفونو سره د لوړو زده کړو زمینه مساعده کړې ده او نن دا دی د لسګونو غریبو معلول خلګو سره د توسانو مرسته وکړل،
علمي مرستیال ښاغلي ډاکټر نور خالق نور په خپلو خبرو کي وویل د اسلام له نظره د غریبانو سره مرسته لوړ اجر لري او ټول هغه کسان چي اقتصادي وضعیت یې ښه وي باید خپل رسالت ادا کړي.
د یادوني وړ ده میرویس نیکه لوړو زده کړو مؤسسې د خپلو علمي کړونو تر څنګ هر کال د ټولني اړینو خلګو په بیلابیلو برخو کي لاسنوی کوي.
نشرات

د فولبرايټ بورسونو په اړه سيمنار وړاندي سو!
یاد سيمنار نن دوشنبه د ١٣٩٨ کال د جدي میاشتي پر نهمه نېټه د میرویس نیکه لوړو زده کړو مؤسسې د کارموندني مرکز او د کابل تعلیمي مشورتي مرکز په همکاري ترسره سوو،
چي له کابل د تعلیمي او مشورتي مرکز مشاور ښاغلي خالد کریاب، علمي مرستیال ډاکټر نورخالق نور د پوهنځیو ریسانو اداري مامورینو او محصلینو ګډون کړی وو، په پیل کي علمي مرستیال ښاغلي کریاب صاحب او راغلي ټیم ته یې ښه راغلاست ووایه او مننه یې ورڅخه وکړل چي د یوې مهمي برخي اړه خپلي مشورې او معلومات د هغو محصلینو سره شریک کړل چي غواړي په فولبرایټ بورسونو کي بریالي سي، ورپسې ښاغلي کریاب د فولبرايټ بروسونو په اړه مکمل معلومات او د نومليکني طريقه يې د محصلینو سره شریکه کړل، د دوی په قول چي د امریکا متحده ایالاتو د سنا مجلس سناتور جم ویلم فولبرايټ دغه نظریه را منځ ته کړل
تر څو د نورو هیوادونو محصلین امریکا ته راسي او د ماسټرۍ په کچه دلته زده کړي ترسره کړﺉ تر څو شخصیت يې جوړ سي ظرفیت یې لوړ سي او په کارونو کي به بریالي وي، ښاغلي کریاب وویل شرایط یې واضح دي چي کاندید کس باید لیسانس ولري په انګليسي ژبه ښه برلاسی وي، د ټافل اسناد ولري.
ښاغلي کریاب وویل د ٢٠٠٤ څخه تر اوسه ٧٠٠ تنه افغان ځوانان فولبرايټ ته بریالي سوي او خپلي زده کړي یې بشپړي کړي دي.
محصلینو هم خپلي پوښتني د ښاغلي کریاب صاحب سره شریکي کړې.
د یادوني وړ ده چي د اکثریت نړیوالو بورسونو په اړه د افغان ځوانانو د عامه پوهاوي په نه درلودولو سره د دې فرصت څخه بې برخي پاته وي.
#نشرات

میرویس نیکه د لوړو زده کړو مؤسسه د سیمي او هیواد په کچه ټولني ته علمي او اکادمیک کادرونه وړاندي کوي