ميرويس نيکه د لوړو زده کړو مؤسسې پېژندنه

ميرويس نيکه د لوړو زده کړو مؤسسې پېژندنه

د میرویس نیکه لوړو زده کړو مؤسسه په ۱۳۹۰ کال کی ایجاد شوي.

ميرويس نيکه د لوړو زده کړو مؤسسه د خصــــوصي پوهنتونونو او مؤسساتو رياست له خـــوا  د اساسي قانـــون د (٤٦) مادې د حکم په اساس په مسلسله ګڼه (٥٣٦) د ١٣٩٠ هـ. ش کال د جــدي د ميــاشتي په (٢٨) نېټه د يوعالي، علمــي، تحصيلي نهاد په ډول د رسمي جـــــواز او ثبت په لـــــرلـــو سـره په کنــــدهار کي په فعالیت پيل کړي.

د لاسته راوړونو زماني جدول:

د ۱۳۹۰ کال په وروستیو کې په میرویس نیکه  لوړو زده کړو مؤسسه کې د معالجوي طب پوهنځي پرانستل شوه. پوهنځي ته د کانکور د ازموینې له لاری د لومړی دورې شمولیت چې شمیر یی 87   تنه وو. د عملي زده کړو لپاره د الفرهاد روغتون سره هوکړه لیک لاسلیک شو. همدارنګه د طب پوهنځی په تشکیل کې دری څانګې ( پاراکلینیک، داخله او جراحې)  پرانستل شوي.

طب پوهنځی

طب پوهنځیو د لومړیو دریو دورو فراغت غونډې په شانداره مراسمو ترسره کړي دي. همدارنګه اوسمهال د معالجوي طب پوهنځی د محصلینو د عملې زده کړو لپاره په کندهار کې ایوبې روغتون او په هند هیواد کې له سروډایا علمي او تحقیقي روغتون سره هوکړه لیکونه لري. په هند هیواد کې د لومړي ځل لپاره د میرویس نیکه لوړو زده کړو مؤسسې د طب پوهنځی 7  تنو محصلینو د ستاژ دوره بشپړه او بیرته هیواد ته راستانه شوي دي.

حقوق او سياسي علومو پوهنځی

حقوقو او سیاسی علومو پوهنځی د دغه مؤسسې په چوکاټ کې په ۱۳۹۰ کال کې رسمیت ترلاسه او ورسره یو ځای یی په فعالیت پیل وکړ. د حقوقو او سیاسی علومو  پوهنځی د فعالیت له پیل څخه وروسته په ۲۴/۳/۱۳۹۴ نیټه په لومړي ځل د ادارې او دیپلوماسی څانګې څخه ۴۰ تنه نارینه او  ۱  ښځینه محصلین او له قضأ او څارنوالی څانګې څخه په همدی نیټه ۱۳ تنه نارینه ۱  ښځینه محصلین چې په مجموع کې ۵۵ تنه محصلین وو ټولنې ته د خدمت په موخه وړاندې کړل.

اقتصاد پوهنځی

اقتصاد پوهنځی د دغه مؤسسې په چوکاټ کې په ۱۳۹۲ کال کې رسمیت ترلاسه او په ۱۳۹۳ کال کې یی په فعالیت پیل کړی دی. د اقتصاد پوهنځی د لوړو زده کړو د وزیر(عبیدالله عبید) د ارزونې په نتیجه کې ایجاد شوې او ټول قانوني مراحل یی طی شوي چې اسنادونه یې موجود دي. اقتصاد پوهنځی په ۱۳۹۳ کال کې د فعالیت له پیل څخه وروسته په ۱۳۹۶ کال کې د لومړي ځل لپاره د BBA له څانګې څخه ۶۲ تنه محصلین چې ۴ ښځینه محصلینې هم پکې شاملې وي ټولنې ته د خدمت په موخه فارغ کړل.

میرویس نیکه د لوړو زده کړو مؤسسه اوسمهال خپله دایمې او په تجهیزاتو سمبال ودانۍ لري. همدارنګه د طب پوهنځی د کادري روغتون کاري چاري هم تکمیل کیدونکې دي چې په نږدي راتلونکې کې به ګټه اخیستنې ته وسپارل شي. 

میرویس نیکه د لوړو زده کړو مؤسسه د اسلامي پوهنتونونو د نړیوال اتحادیې غړیتوب ترلاسه کړئ.

 

 

 

د میرويس نیکه لوړو زده کړو مؤسسې لرلید، رسالت، موخي او ارزښتونه

 

لرليد:

میرویس نیکه د لوړو زده کړو مؤسسه به د هیواد او سیمې په کچه د کیفیت له اړخه یو معیاری او منل شوي بنسټ وي.

Vision

Mirwais Neeka Institute of Higher Education will be a standardized and valid foundation in term of quality at country and regional level.

 

رسالت:

د کیفیت د لوړاوي کمیټه هڅه کوي چې د لوړو زده کړو د قوانیونو او مقرراتو په نظر کې نیولو سره میرویس نیکه لوړو زده کړو مؤسسه د منل شوو پوهنتونونو په قطار کې راولي.

Mission

Quality enhancement committee does efforts, as per the rules and regulation of ministry of higher education, to standardize the Mirwais Neeka Institute of Higher Education in the level of valid universities.

 

موخي:

د کیفیت د لوړاوي کمیټه د معیارونو په نظر کې نیولو سره غواړي چې د میرویس نیکه لوړو زده کړو مؤسسه په علمي، تدریسي او اداري برخه کې داسې عیار کړي چې اسلامي ارزښتونو او ملي ګټو ته ژمن کسان وروزي.

Goals:

Quality enhancement committee offers to constitute the Mirwais Neeka Institute of Higher Education based on the quality standards in academic, teaching and administrative sections and prepare professionals who would be loyal to their religious values and as well their national values.

 


ارزښتونه

معياري او مسلکي کيفيت.

د ښو اخلاقو، اسلامي او انساني

اُصولو او وطن دوستــــۍ روحيه.

سالم او مؤثر مديريت.

په کارونو کي شفافيت.

د هر ډول فساد مخينوى.

 

د علمي آسانتياوو نوملړ (د بېلګي په توګه: څېړنيز مرکزونه، روغتونونه او نور ...)

 

   مؤسسه لاندې اسانتیاوې او امکانات د علمي چارو د اجرا لپاره په لاس کې لري:

  •  تعمير،درسي ټولګي او مناسب چاپریال: مؤسسه خپل شخصي تعمیر لری د محصلینو لپاره مظم ټولګي برابر شوي دي چې ټول تحصيلي او تدریسي سهولتونه پکې په نظر کې نیول شوي دي. د ټولګیو سربیره آزاده شنه ساحه او کانتین هم موجود دي.  د هوا د ګرمولو او یخولو لپاره ټول اتومات سیستمونه نصب شوي دی.
  • پارکینګ: د نقلیه وسایلو لپاره یو لوی او منظم پارکینګ موجو دی.
  • کتابتون Library : د مؤسسې په کتابتون کې هر ډول کتابونه شته هر وخت استفاده ورڅخه کیدای شي همدارنګه د مؤسسې د بریښنايي کتابتون Digital library  څخه استفاده کیدای شي.
  • مجهز او فعاله لابراتوار: مؤسسه د محصلینو د عملي زده کړو لپاره فعاله او مجهز لابراتوار لري. محصلین د یو منظم تقسیم اوقات په اساس همدې لابراتوار کې عملي زده کړي ترسره کوي.
  • کادري روغتونونه: مؤسسه د محصلینو د عملي زده کړو لپاره په کندهار ښار کې له دوه الفرهاد او ایوبې روغتونونو سره تفاهم لري. همدارنګه په هند هیواد کې هم د ستاژ دورې محصلینو لپاره له سروډایا څیړنیز روغتون سره اړیکې لري او خپل محصلین استوي. بر علاوه د مؤسسې خپل کادري روغتون هم مخ پر جوړیدو دي چې په نږدي راتلونکې کې به پرانستل شي او ټول خدمات به یې وړیا وي.
  • انټرنیټ Internet او IT: د مؤسسې انترنیټ کیفي په مرکز کې همدارنګه د هرمحصل لپاره د Free Wi- Fi څخه استفاده د محصلینو لپاره د نمراتو، لکچرنوټونو، حاضری او اړوند موضوعاتو ته د لاسرسي لپاره هر محصل ته په پورټل کې اکونټ شته  محصلین ورڅخه استفاده کولای شي. همدارنګه د معلوماتو او اسنادونو د ساتنې او انتقال لپاره د DMS سیستم وجود لري چې د هر کارمند لپاره پکې Space  او اکونټ وجود لري.
  • ویب سایټ Website : مؤسسه د   www.mnu.edu.af په نوم ویب سایټ لري همدارنګه  د هر کارمند لپاره رسمي ایمل جوړ شوی دی مثلاً  Sharif@mnu.edu.af  ، S.hamidi@mnu.edu.af .
  • څیړنیز مرکز Research Center: د مناسب تشکیل لرونکي څیړنیز مرکز چې هم استادان او هم محصلین د هغه له لارې څېړنې اجرا کولای شي.
  • د ښځینه محصلینو لپاره ځانګړی ترانسپورټ: د ښځینه محصلینو لپاره ځانګړی ترانسپورټ شتون لري چې ټول خدمات یې وړیا دي.
  • نور زده کړه ائز امکانات: د کنفرانس هال، میزونو او چوکیو، پراجکټور، تختې او نور لوازمو څخه د تدریسي او زده کړه ائزو چارو د مخته بیولو لپاره استفاده کیږي.

 

 

 

 

د ا فغانستان اسلامی جمهوریت

د لوړو زده کړو وزارت

میرویس نیکه د لوړو زده کړو موئسسه

د اکاډمیک آزادی پالیسي

 

  1. د میرویس نیکه لوړو زده کړو موئسسه خپل ځان مسئول ګڼی او ترجیح ورکوی ترڅو په ټولنه کښی عمومی مفکوره اصلاح او اکاډمیک چارو ته برتری ورپه برخه کړی. خپلو ټولو استادانو او محصلینو ته ددی حق ورکړی ترڅو لازم روشونه ، میتودونه او کړنلاری په علمی او اکاډمیک چارو، اداره او څیړنیز پروګرامونو کښي په کار واچوی او د هغوی موثر استعمال رامنځته کړی. په نوموړی دریځ کښی د میرویس نیکه لوړو زده کړو موسسی اکاډمیک او اداري کارمندان او محصلین شامل دی  چی د موسسی دننه او د لوړو  زده کړو موئسسی څخه بهر د هیواد په هر ګوټ کښي نوموړی مفکوره ترویج کړی.
  2. د اکاډمیک آزادی مطابق اجرائات د میرویس نیکه لوړو زده کړو موئسسی لپاره اساسی او مهم رول لوبوی. د ټولو حقونو او مسئولیتونو سره سره  اکاډمیک آزادی له ځانه سره ځینی مکلفیتونه، توقعات، مسئولیتونه او حساب ورکونی لری او د باور او اعتماد په اړیکه کښی په استعمال وړل کیږی. نوموړی پالیسی د میرویس نیکه لوړو زده کړو موئسسی ټول محصلین او د محصلینو ټولی برنامی په خپلی محتوی کښي نیسی.  دا د ټولو کارمندانو مسئولیت دی تر څو د نوموړی پالیسی د مختلیفو پروسو او پروسیجرونو د تطبیق لپاره خپل رول وپیژنی ترڅو د نوموړی سند ملاتړ وکړی.

د اکاډمیک آزادی مفهوم

  1.  د میرویس نیکه لوړو زده کړو موئسسی اکاډمیک کارمندان  په قانون کښی آزادی لری:
  • د پوښتنی او ازموینی لپاره تصور تر لاسه کول.
  • نوی ، عصری ، موثر نظریات چی نوښت درلودونکی وی وړاندی کړی.
  • پرته له دی چی خپلی دندی او امتیازات له لاسه ورکړی او خپل کادری درجی په خطر کښي واچوی ، نظرونه او مفکوره شریکی کړی.
  1. میرویس نیکه د لوړو زده کړو موئسسه د لوړو زده ګړو وزارت د لایحی او قوانینو مطابق په اکاډمیک آزادی اړوند لاندنی وړاندیزونه کوی.
  • د میرویس نیکه لوړو زده کړو موئسسی تدریسي پرسونل لکه د نورو ډلو او افرادو په څیر ، دوی باید په نړیواله کچه پیژندل شوي مدني ، سیاسي ، ټولنیز او کلتوري حقونو څخه چې ټولو وګړو ته پلي کیږي باید برخمن شی. له همدې امله ، د موسسی  ټول ښوونکي باید د افکارو ، وجدان ، مذهب ، بیان ، مجلس او اتحادیې او همدارنګه د شخصی د آزادۍ او امنیت حق او د خوځښت څخه برخمن شی. دوی باید د خپلو مدني حقونو په کارولو کې خنډ واقع نشی، لکه په ټولنه کښی د مثبت بدلون په منځته راوړلو کښی بسپڼه کول چی د نظر  او مفکوری په ازاده توګه څرګندولو په اساس او په اکاډمیک سیاستونو کښی په ازادانه توګه د برخه اخیستلو په اساس منځته راتلی شی. ددی کار د اجرا په پایله کښي باید اکاډمیک پرسونل د کوم مجازاتو او ګواښونو سره مخ نشی.
  • د لوړو زده کړو وزارت د قوانینو او نړیوال معیارونو ته په پام کښي نیولو سره  اکاډمیک آزادی د موسسي په ټولو چارو کښي په نظر کښي ونیول شی. د دې کار د اجرا لپاره، د علمي ازادي اصل باید په مکرر ډول مشاهده شي. د موسسی تدریسي پرسونل د اکاډمیک ازادي ساتلو مستحق دي ، د دې معنی دا ده چې د ټاکل شوي عقیدې لخوا پرته له کوم محدودیت څخه ، د درس او بحث آزادي ، د څیړنې او خپرولو او د پایلو په خپرولو کې ازادي د هغی عمومی برنامی او اداری سیسټم یوه برخه ده کوم چی موسسه فعالیتونه په کښي اجرا کوی. او دا کار هغه وخت ممکن کیږی چی په لوړو زده کړو موئسسه کښی د بیان ازادی، د رایه ورکولو آزادی، د نظر د څرګندولو آزادی، او د تدریس د ازادی څخه برخمن وی او په ښکاره ډول بیله کوم خطر څخه خپل نظرونه د لوړو زده کړو موئسسی په اړه څرګند کړی.  ددی معنی داده چی د لوړو زده کړو موئسسی د نفوذ څخه په اکاډمیک چارو کښي آزادی او په مسلکي یا نمایشي اکاډمیک ارګانونو کې د برخې اخیستنې ازادي. د میرویس نیکه لوړو زده کړو موئسسی ټول اکاډمیک پرسونل باید حق ولري چې پرته له کوم تبعیض او د دولت یا کومې بلې سرچینې لخوا د جبر او  ویری څخه خپلې دندې ترسره کړي. د لوړو زده کړو تدریسي پرسونل کولی شي په اغیزمنه توګه دې اصل سره عدالت وکړي که چیرې چاپیریال چې دوی پکې کار کوي مناسب وي ، کوم چې ډیموکراتیک فضا ته اړتیا لری.
  1. ددی لپاره چی پورته تعهد ته لا نوره برتری وروبخښل شی، د میرویس نیکه لوړو زده کړو موئسسی څخه خارج رابلل شوو افرادو ته باید د سالم نظر د څرګندولو زمینه برابره شی، که هغه غواړی چی د میرویس نیکه لوړو زده کړو موئسسی په کومی یوی عملیاتی ساحی ، موخی ، سیاست یا بلی کومی ساحی کښی  (البته چی په اکاډمیک چارو پوری ارتباط ولری) نظر ورکړی باید مقاومت ښکاره نشی.
  2. د پنځمې مادی سره سم دا به د نوموړی پالیسی سره مخالفت وی که چیری نوموړی پالیسی د سوله ایزی هڅونی پرته د کوم بل مرام لپاره وي چی د محصلینو په درسونو او لیکچرونو کښي خلل او موانع رامنځته کیږی په کار واچول شی.

په هرصورت ، د لوړو زده کړو وزارت په قانون کښی د علمي ازادي او د بیان آزادي ته دا ژمنتیا مطلق نده. سربیره پردې په قانون کې د اکاډمیک ازادي او د بیان آزادي ته وده ورکولو لپاره د لوړو زده کړو موئسسی ژمنې تصدیق کولو سربیره ، دا پالیسي داسې شرایط هم ټاکي چې پکې د اکاډمیک ازادي او د بیان آزادي په مناسب ډول محدودیت کیدی شي. میرویس نیکه د لوړو زده کړو موئسسه کولای شی پخپلو شرایطو کې محدودیتونه پلي کړی که چیری  د میرویس نیکه لوړو زده کړو موئسسی لپاره اړین وی.

  1. د میرویس نیکه لوړو زده کړو موئسسه باید بحث او مباحثه محدوده نه کړی، ځکه کیدای شی چی څرګند شوی نظر مخالف خو قصدی نه وی، د لوړو زده کړو موئسسی د عمومی رهبری څخه هیله کیږی تر څو د نظر په څرګندولو کښي مداخله ونه کړی او نوموړی اصل ته ژمن پاتی شی، او هر ډول نظرونه د موسسی په داخل او خارج کښي څرګند شی.
  2. د اکاډمیک او نظر د څرګندولو د آزادی قوانین ، اصول او لایحی کوم چی په دی پالیسی کښی ځای پر ځای شوی دی، د ټولو اکاډمیک پرسونل ، او هغو شخصیتونو کوم چی د لیکچر او یا بلی کومی علمی شوری لپاره رابلل شوی وی صدق کوی.
  3. که چیری کوم بهرنی ارګان (ټولنیز ګروپ) او یا د بهرنیو محصلینو کومه ټولګه غواړی په میرویس نیکه لوړو زده کړو موئسسی کښی د نظرونو د شریکولو پروګرام دایر کړی ، میرویس نیکه د لوړو زده کړو موئسسه کولای شی د هغوی بلنه او یا راتګ ومنی او یا یی رد کړی ، په هغه صورت کښی چی منلو او یا رد کولو لپاره لازم منطق او دلایل موجود وی. په میرویس نیکه لوړو زده کړو موئسسه کښي د بهرنیو ویناوو اداره او تنظیم باید ددی پالیسی په رڼا کښي تر سره شی.