د محصلینو چارو د مرستیال پیغام

ګرانو محصلینو !

               په کندهار کي میرویس نیکه پوهنتون ته ښه راغلاست! موږ خوشحاله یو چي تاسو د یوې اکاډمیکيکورنۍ سره یوځای سوي یاست. لکه څنګه چي تاسو د خپل اکاډمیک شخصیت د جوړېدو هوډ کړی دی، تاسو د روښانتیا، ژمنتیا او هیلو ډکه لاره انتخاب کړې ده. د محصلینو چارو معاونیت ژمن دی؛ چي له تاسو سره په دې علمي کاروان کي یوځای کار وکړي او تاسو ته لازمه ده، چي  په دې په زړه پورې سفر کي له فرصتونو څخه پوره ګټه واخلئ! ګرانو محصلینو تاسو به پدې عالي او علمي اداره کي ومومئ:

                غوره پوهنځی، د پاملرني وړ کارمندان، یو ښکلی د زده کړو ارام ماحول او ستاسو د اکاډمیک اهدافو لپاره مناسب چاپیریال لکه: مجهز کتابتون او کمپیوټر لېب، څېړنیز مرکز، علمي مجله (میرویس نیکه) او د محصلینو د لیکنو او څېړنو لپاره د (محصل) مجله، د ورزش لپاره د ورزش مدیریت او په ټورنمتونو کي ګډون، د حقوقي او سیاسي علومو په برخه کي حقوقي کلینیک، په اقتصادي برخه کي بیزنیس هب(اقتصادي کاروبار او پروژو ته د ودي ورکولو اداره کولو عالي مرکز) په پوهنتون کي د مشورې ورکولو مرکز، د رواني، حقوقي، مادي او مالي برخو کي وړیا مشورې، د ناڅاپي ناروغۍ لپاره عاجله څانګه، د شکایتونو صندوقونه ، د محصلینو کمېټه او... .

دا اکاډمیکه شبکه ستاسو د ملاتړ او د شخصي ودي او د ټولني خدمت لپاره غوره فرصتونه وړاندي کوي. زموږ د پوهنتون مشران او کارمندان به د محصلینو په خدمت کي، د ورورولۍ په فضا کي ټولي علمي برنامې پرمخ وړي.

               محصلانو چارو معاونیت هیله لري، چي تاسو خپلو ټولو اهدافو ته ورسیږئ او خپل ټول خوبونه درک کړئ.د محصلینو د چارو د مرستیال په توګه، دا زما ویاړ دی چي تاسو ته د پرمختګ په اړه خبري کوم. پرمختګ، هڅي او زیار زموږ او ستاسو د ګډ سفر لازمي برخي دي.

تاسو حتمن؛ په دې وروستیو کي زموږ د محصلینو د پام وړ او د پرمختګونو شاهدان یاست، د نوښتګرو څیړنیزو پروژو څخه نیولې بیا د ټولني د اغیزمنو نوښتونو پوري او د ولایت او زون په سطحه نه بلکي د هېواد په سطحه په نظام، ادارو او انجوګانو کي د میرویس نیکه پوهنتون فارغین وینئ. ستاسو لیوالتیا او ژمنتیا موږ ټول هڅوي.

د ودې سره بدلون راځي، او د پرمختګ سره ننګوني راځي. دا اړینه ده، چي موږ د دواړو فرصتونو او خنډونو  څخه استفاده وکړو. په یاد ولرئ، چي تاسو په دې سفر کي یوازي نه یاست بلکی میرویس نیکه پوهنتون د لاري په هر ګام کي ستاسو ملاتړ کوي.

په درنښت

عبدالغني حسن

د محصلانو چارو معاون