د ميرويس نيکه لوړو زده کړو مؤسسې د آمنا شورا غونډه ترسره سول

تیره ورځ د پنج شنبې په ماپښين ۱۴۰۲/۸/۲۵ نېټه د ميرويس نیکه لوړو زده کړو مؤسسې د غونډو په تالار کي آمنا شورا غونډه ترسره سول چي پکښي د یادي شورا رئيس ډاکټر فاروق نعیمي او د آمناء‌ شورا غړو ګډون کړی و.

غونډه د کلام الله په مبارک اياتونو پيل سول ورپسې د شورا رئيس ډاکټر فاروق نعیمي ټولو ګډنوالو ته ښه راغلاست وویل او د تيري غونډي موضوعاتو ته يې لنډه کتنه وکړل.

د اجنډا سره د مؤسسې پر تشکيلات، ستراتیژيک پلان، پرمختیايي کړنو، د مهمو بستونو استخدام او یو شمېر نورو مهمو متفرقه موضوعاتو بحثونه وسول، نظرونه او مشورې شریکي سوې او غونډه په دعايه کولو سره پای ته ورسېدل.

د یادوني وړ ده چي د آمنا شورا غونډه په کال کي یو ځل کیږي او د ټولني باتجربه، متخصص او مطرح اشخاص يې غړیتوب لري چي یاده شورا په خپل تشکيل کي رئيس، منشي او ۱۱ تنه غړي لري.

ورځ: شنبه

نېټه: ۱۴۰۲/۸/۲۷

د نشراتو او عامه اړيکو آمريت

نور اړوند خبرونه