2023-11-18

د محصل نړیواله ورځ په ځانګړي مراسمو ولمانځل سول

(ټولو محصلینو ته دي مبارک وي)

میرویس نیکه د لوړو زده کړو مؤسسې نن شنبه د عقرب میاشتي پر (۲۷) نېټه د محصل نړیواله ورځ د محصلانو چارو معاونیت او نشراتو او عامه اړيکو آمریت لخوا ولمانځل، په یاده لمانځغونډه کي عمومي رئيس محمد واسع صديقي، د محصلانو چارو مرستیال انجنېر نويد احمد داؤدزی، د پوهنځیو رئیسانو، استادانو، اداري کارمندانو او محصلينو ګډون کړی وو.

د غونډي پيل د قرانکریم د مبارکو ایاتونو په تلاوت کولو سره وسو ورپسې د محصلانو چارو مرستیال د پيل او ښه راغلاست وینا وکړل او ټولو محصلينو ته يې د دې ورځي مبارکي وویل او خوښي یې څرګنده کړل چي نن دا ورځ په شانداره مراسمو او د محصل په تقدیر کولو سره په میرویس نیکه لوړو زده کړو مؤسسه کي لمانځل کیږي.

ښاغلي داؤدزي وویل اداره یې د محصلينو لپاره د خدماتو په وړاندي کولو کي بشپړه ژمنتیا لري او په دغه برخه کي چاري په چټکۍ سره رواني دي.

د حقوقو او سياسي علومو پوهنځی رئيس ښاغلي فرهاد داوري هم په خپله وینا کي محصلينو ته مبارکي وویل او د محصل نړیوالي ورځي پر ارزښت يې خبري وکړې،

او و تر څنګ يې د حقوقو او سياسي علومو پوهنځی په اړه معلومات وړاندي کړل.

د اقتصاد پوهنځی رئيس عبدالحمید عیان محصلینو ته د یادي ورځي د مبارکۍ تر څنګ د پوهنځی لرلید، رسالت او هدف تشریح کړل.

د طب پوهنځی رئيس ډاکټر فضل الرحمن حاشر هم په خپل وار سره ټولو محصلینو ته مبارکي وویل او تر څنګ يې د طب پوهنځی په اړه معلومات وړاندي کړل.

د غونډي په پای کي غوره محصلين وستایل سول او د ادارې لخوا ترتیب سوي

ستاینليکونو ورته ورکول سول.

وروسته تر هغه محصلینو په ګډه د یادي ورځي په مناسبت جوړ سوی کیک مات

او ټولو ته يې مبارکي سره وویل.

د یادوني وړه ده چي د محصل نړیواله ورځ هر کال د افغانستان

تر څنګ په یو شمیر نورو هیوادونو کي هم لمانځل کیږي.

ورځ: شنبه