استادانو او اداري کارمندانو ته د څېړني اړوند شپږ اونيز کورس پيل سو

نن چهارشنبه ۱۴۰۲/۹/۱ د میرویس نیکه لوړو زده کړو مؤسسې د څېړنيز ظرفيت لوړولو په موخه د څېړنيز مرکز لخوا شپږ اونيز کورس استادانو او اداري کارمندانو ته پيل سو.

په یاد شپږ اونيز کورس کي د ترتیب سوي مهالویش مطابق د باتجربه استادانو لخوا ګډ‌ونوالو ته د څېړني پر موضوعاتو په نظري او عملي توګه تدريس کیږي.

چي نن چهارشنبه د یاد کورس لومړنۍ اونۍ لومړۍ ورځ د استاد ډاکټر نور خالق نور لخوا تدريس وړاندي سو او د څېړني پر عنوان او میتود يې بحث وکړ.

په بحث کي پوښتني د ګډونوالو لخوا مطرح سوي او د استاد لخوا معقول جوابونه ورکول سول.

د یادوني وړ ده چي په یاد کورس کي د حقوقو او سياسي علومو، اقتصاد او معالجوي طب پوهنځیو د استادانو تر څنګ اداري مسؤلینو هم ګډون درلود دی.

ورځ: چهار شنبه

نېټه: ۱۴۰۲/۹/۱

د نشراتو او عامه اړيکو آمريت

ویبپاڼه: www.mnu.edu.af

نور اړوند خبرونه