د پسرلني سمسترونو د نهايي ازموينو نېټه اعلان کړل سول

نن شنبه ۱۴۰۲/۱۰/۲ نېټه د میرویس نیکه لوړو زده کړو مؤسسې په رياست مقام کي د ازمويني کمېټې غونډه د عمومي رئيس محمد واسع صديقي په مشري ترسره سول چي پکښي د یادي کمټې ټولو غړو ګډون کړی و.

غونډه د قرانکریم د مبارکو ایاتونو په تلاوت کولو پيل سول ورپسې د محصلانو چارو مرستیال ښاغلي عبدالغني حسن د تیري غونډي موضوعاتو ته لنډه کتنه وکړل او د ترسره سوي فعالیتونو په اړه يې معلومات شریک کړل.

همدارنګه د اجنډا سره سم د پوهنځیو مسؤلینو د پسرلني سمسټرونو د درسي بهیر د بشپړېدو په اړه جزیات وړاندي کړل چي د پلان مطابق ټولي درسي چاري پر خپل وخت پای ته رسېدونکي دي.

ورپسې د نهايي ازموینو په اړه بحث وسو او نظریات شریک سول چي په پایله کي يې

د لوړو زده کړو وزات د اکاډمیک مهالویش مطابق د رواني جدي میاشتي شپږمه نېټه د نهايي ازموینو د پيل لپاره تائيد او وټاکل.

په غونډه کي د ازموینو پر شفافیت، نظم او نظارت باندي هم خبري وسوې تر څو صحنې وخت پر وخت د ازمویني کمېټې لخوا وڅارل سي او د ازموینو بهیر په بریا سره پای ومومي.

همدا راز په غونډه کي پر متفرقه موضوعاتو هم بحثونه وسول

او په دعاء کولو سره غونډه پای ته ورسېدل.

ورځ: شنبه

نېټه: ۱۴۰۲/۱۰/۲

د نشراتو او عامه اړيکو آمریت

ویبپاڼه: www.mnu.edu.af

نور اړوند خبرونه