د اوه ویشتمي دورې کانکور ازموینه واخستل سوه!

نن جمعه د روان ۱۴۰۳/۶/۲ کال د سنبلې میاشتي پر دوهمه نېټه د میرویس نیکه لوړو زده کړو مؤسسې د غونډو په تالار کي د اوه ویشتمي دورې خزاني کانکور ازموینه واخستل سوه؛ چي پکښي د یادي مؤسسې رئیس ښاغلي محمد واسیع صدیقي، درې واړه مرستیالانو، د کندهار پوهنتون څخه راغلي استادانو، هر یو پوهنیار عبدالله زیارمل او پوهنمل محمد محتاج، زموږ د مؤسسې استادانو او اداري کارکوونکو حضور درلودی.

سلګونه ځوانانو د کانکور ازموینه ورکړل.

پرانسته وینا د مؤسسې علمي مرستیال الحاج ډاکټر نور خالق نور وکړل او عمومي معلومات ئې وړاندي کړل.

د راغلي هیئت په نماینده ګي ښاغلي زیارمل د میرویس نیکه لوړو زده کړو مؤسسې د مؤسسینو، استادانو او کارکوونکو څخه مننه وکړل چي د ځوانانو د ښې روزني په برخه کي ئې سرمایه ګزاري کړې ده، ورپسې ئې د کانکور ګډون والو ته د یادي پروسې په اړه معلومات ورکړل.

د سوالونو صندق پرانستل سو او د محصلانو چارو مرستیال ښاغلي عبدالغني حسن د سوالونو ډول او جواب پاڼه تشریح کړل.

ازموینه په ښه شفافیت سره واخستل سوه او ان شاالله نتایج به ئې ډیر ژر اعلان کړل سي.

د یادوني وړ ده چي میرویس نیکه د لوړو زده کړو مؤسسه کي اوس هم سلګونه ځوانان په لوړو زده کړو بوخت دي او نژدې (٣٠٠٠) تنه ئې فارغه کړي دي.

د نشراتو او عامه اړيکو آمريت

نېټه:۱۴۰۳/۶/۲

ویبپاڼه: www.mnu.edu.af

د معلوماتو شمېرې: 0700002241 / 0700002243

ادرس: ډنډ څلور لاری، شپږمه ناحیه، کندهار، افغانستان

#ميرويس_نیکه_تعليمي_او_تحصيلي_ګروپ

نور اړوند خبرونه