د علمي مرستیال په مشري د معلوماتي ټکنالوژي کمېټې غونډه ترسره سول!

نن دوشنبه د سرطان میاشتي پر اومه نېټه د میرویس نیکه د لوړو زده کړو مؤسسې د معلوماتي ټکنالوژي کمېټې غونډه ترسره سول چي د علمي مرستیال ډاکټر نور خالق نور په شمول د یادي کمېټې مسؤل انجنیر امین الله رسولي، د محصلانو چارو مرستیال ښاغلي سمسور، د پوهنځیو استازو او د یادي کمېټې غړو ګډون کړی وو.

په پرانسته کي د تیري جلسې ځینو موضوعاتو ته کتنه وسول.

ورپسې علمي مرستیال د انلاین زده کړي د رواني لړۍ پر چټکتیا خبري وکړې او په دغه برخه کي یې د ټولو ګډ کار مهم وباله.

انجنیر رسولي د ټکنالوژي په برخه کي لاسته راوړني غونډي ته بیان کړې چي د ټولو لخوا یې هڅي تقدیر سوې.

د کارونو د پرمختګ لپاره ټولو ګډون والو خپل نظریات شریک کړل.

د یادوني ده چي هري میاشتي په وروستۍ برخه کي د پوهنتون په کچه د هري کمېټې میاشتنۍ غونډي ترسره کیږي.

نور اړوند خبرونه