د ا.ا.ا. د لوړو زده کړو وزارت د جنوب غرب حوزې کميسون د استازو سره تعرفي ناسته ترسره سول!

نن سه شنبه د رواني میاشتي پر ۱۶مه نېټه د میرویس نیکه لوړو زده کړو مؤسسې د غونډو په تالار کي د ا.ا.ا. د لوړو زده کړو وزارت د جنوب غرب حوزې کميسون د استازو سره تعرفي ناسته ترسره سول چي پکښي عمومي رئیس ښاغلی دوکتور بهرالله صافی، علمي مرستیال ‌ډاکټر نور خالق نور، محصلانو مرستیال استاد بریالی سمسور، د پوهنځی رئیسانو او اداري کارمندانو ګډون کړی و.

د غونډي په پيل کي عمومي رئيس دوکتور صافي د ذکر سوي کمیسیون استازو ته ښه راغلاست وویل او د هر راز همکارۍ کولو ډاډ يې ورکړ.

د ا.ا.ا. د لوړو زده کړو وزارت د جنوب غرب حوزې کميسون استازي ښاغلي سيد سمیع الله قريشي د مؤسسې د ترسره سوو فعالیتونو ستاینه وکړل او وروپسې يې د محصلينو د تدريسي بهیر د لا ښه سمون پر پار د وزارت ځيني طرحي وړاندي کړي او د پوره همکارۍ کولو ډاډ يې څرګند کړ.

ښاغلي قريشي وویل زموږ ټولنه تر هر څه لومړی زده کړو ته اړتیا لري تر څو ټولني ته وړ او مسلکي کادرونه وړاندي کړو، چي دا زموږ او ستاسو ګډ مسؤلیت دی او په همږغۍ به يې ترسره کوو.

د غونډي په وروستۍ برخه کي پر یو شمېر متقرقه

موضوعاتو هم بحثونه ترسره سول او غونډه د دعا ویلو سره پای

ته ورسېدل.

نور اړوند خبرونه