د تابعیت لاسته راوړلو اړوند علمي مناظره ترسره سول!

نن سه شنه د رواني میاشتي پر ۷مه نېټه د میرویس نیکه لوړو زده کړو مؤسسې د حقوقو او سیاسي علومو پوهنځی د قضاء او څارنوالي څانګي د اووم سمسټر محصلینو د تابعیت لاسته راوړلو اړوند علمي مناظره ترسره کړل.

په یاده مناظره کي د مؤسسې علمی مرستیال ډاکټر نور خالق نور، د پوهنځی رئیسانو، د څانګو آمرینو، استادانو او محصلینو ګډون کړی و.

په مناظره کي د یاد صنف محصلینو لارښود استاد نذیراحمد قریشي وویل چي زموږ هدف د یادو مناظرو او بحثونو څخه د محصلینو د وړتیاو ښکاره کول دي.

د حقوقو او سیاسي علومو پوهنځی رئیس ذبیح الله الهام د استاد قریشي څخه مننه وکړل او تر څنګ یې د نورو استادانو څخه هم د داسي مهمو فعالیتونو د ترسره کولو یادونه وکړل.

محصلینو په مناظره کي پر اړوند موضوع بحثونه وکړل چي په وروستۍ برخه کي ګډونوالو خپلي پوښتني هم وکړې.

د یادوني وړ ده چي میرویس نیکه لوړو زده کړو مؤسسې تل د محصلینو د ظرفیت لوړوني په موخه زیات شمیر غونډي، ورکشاپونه، لنډ مهاله کورسونه، علمي سمینارونه او داسي نور مهم بحثونو ترسره کړي دي او لا هم یاده لړۍ جریان لري.

نور اړوند خبرونه