موضوع: ‎بازارموندنه څه ده؟

ليکنه: پيمان

د اقتصاد پوهنځی د پنځم سمسټر محصل

ميرويس نيکه لوړو زده کړو موسسه

(د محصلينو د مقالو برخه)

په اقتصادي سیسټم کي بازار موندنه هغه فعالیتونو ته اشاره کوي چي د یو شرکت د محصول یا خدماتو پلورولو ته وده ورکوي.

په بازارموندنه کي نورو سوداګريو ته د محصولاتو اعلان کول، پلورل او تحویلول شامل دي. ځیني بازارموندني د شرکت په استازیتوب د دخيلو، شريکو يا وابسته شرکتونو لخوا ترسره کیږي.

هغه اقتصادي مسلکېان چي د شرکت بازارموندني او ترویج څانګو کي کار کوي هڅه کوي د اعلاناتو له لاري د کلیدي احتمالي لیدونکو پام ځانته راواړوي.

د همدې اعلاناتو له لاري وړاندي سوي شعارونه د ځانګړو لیدونکو لپاره په نښه سوي همدا اعلانات هغه وخت ګټور تمامېدای سي، چي د مشهورو څهرو او شخصيتونو لخوا تايد سو او همدا مشهوري څهري پکښي لوبېدلي وي. اعلانات هغه وخت لا په زړه پوري کيږي، چي زړه راښکونکي جملې یا شعارونه، د یادولو وړ بسته بندۍ یا ګرافیک ډیزاینونه او د رسنیو عمومي توضیحات شامل وي.

د اعلاناتو په جلبولو کي د ږغ رول هم خورا مهم دی، دا مهموالی هغه وخت لا ډېریدای سي چي د مشهوري فلمي اداکارانو، لوبغاړو، سندرغاړو، ممثلينو، ميرمنو، خاصو څهرو، مشهرو علماو او ورته نورو پېژندل سويو افرادو لخوا ټولني ته وړاندي سي.

په اقتصادي سيسټم کی اوس مهال بازار موندنه د امریکا د بازار موندني ټولني لخوا تعریف سوې ده.

همدغه ټولنه موږ او سوداګرو ته بازار موندنه داسي تعریفوي: بازار موندنه د فعالیت د ادارو ټولګه ده، چي د وړاندیزونو جوړول، خبري اتري وړاندي کول او تبادلې لپاره پروسه چي د پیرودونکو، شریکانو، او په لویه کچه د ټولني لپاره ارزښت لري.

په اقتصادي نړۍ کي د بازار موندني لپاره موږ او اقتصاد پوهانو يوازي پر همدې تعریف بسنه نده کړې. د کلونو په اوږدو کي خورا بېلابيل تعریفونه ورته جوړ سوي او وړاندي سوي دي.

امریکا د بازار موندني ټولني په هرو دریو کلونو کي د بازار موندني لپاره څیړني کړی.

پورته تعريف ته دلته په لږ توپير بيا کتنه کوو.

توپير دادی، چي دلته د ټولني په لویه کچه ګټې د لوړ په تعریف کي اضافه سوي، د تعریف پراختیا د 1935 نسخې سره د پورتني تعریف پرتله کولو سره لیدل کیدای سي.

مارکیټینګ يا بازار موندنه چي د سوداګریزو فعالیتونو فعالیت دی د توکو جریان مستقیم کوي، رانيونکي يې زياتوي او له تولیدونکو څخه مصرف کونکو ته خدمات په نظر کي نیسي.

بل پلو بيا په نوي تعریف کي د بازار موندني په نوې مفکوره کي د نورو شریکانو زیاتوالی په ګوته کوي.

د بازار موندني په نورو تعریفونو کي د مصرف کونکو پر اړیکو باندي ډیر ټینګار کوي

دغه نوی تعريف د خالص تبادلې پروسې سره مخالف دئ.

مثالا: د بازار موندني خورا مشهور لیکوال او ښوونکی، فیلیپ کوټلر د بازار موندني تعریف خپل کړی دی. په 1980 کي یاد لیکوال بازار موندنه پدې شکل وړاندي کړل:

بازارموندنه د تبادلې پروسې له لاري د اړتیاوو او غوښتنو د پوره کولو په توګه یادوي ، او په 2018 کي یې دا د "هغه پروسې په توګه تعریف کړه چې شرکتونه یې قوي پیرودونکي جوړکړل.

لوړو ټولو تعریفونو او نظريو ته په کتو په نړۍ او په خاص ډول افغانستان کي ټول لوی او کوچني شرکتونه هڅه کوي، چي خپل تولیداتو ته بازار مونده پيدا کړي او د بازار موندني لپاره تر ټولو مهم شعارونه، اشخاص او لوبغاړي انتخابول دي، تر څو د شرکت پيغام په صحیح ډول ورسيږي او جلبوونکي پيدا کړي.

موږ ددې مقالې په وروستيو کي د اقتصادي سيسټم نظريو ته په کتو سوداګرو او کارګرو ته دا پيغام وړاندي کوو، چي د خپلي پانګوني دريمه برخه دي و بازار موندني ته ځانګړي کړي.

نور اړوند خبرونه