د محصلينو د استازو سره غونډه ترسره سول!

نن دوشنبه د دلوي میاشتي پر ۲۵مه نېټه د میرویس نیکه د لوړو زده کړو مؤسسې د حقوقو او سياسي علومو پوهنځی د محصلينو د استازو سره غونډه ترسره سول، چي پکښي د پوهنځی رئیس، د قضاء او څارنوالي څانګي آمر، د ادارې او ډيپلوماسي څانګي آمر او د ټولګیو استازو ګډون کړی وو.

د غونډي په پیل کي ښاغلي الهام ټولو استازو ته ښه راغلاست ووایه او همدارنګه د سمسټر د بشپړېدو او نهايي ازموینو په اړه ئې خپل پلان ورسره شریک کړ، تر څو محصلینو ته په ډېر ښه ډول واضح سوی وي.

د غونډي په وروستۍ برخه کي د ټولو صنفونو نمایندګانو په نوبت سره

خپل نظرونه او وړاندیزونه شریک کړل.

الهام صاحب ټولو نمایندګانو ته ډاډ ورکړ چي وړاندیزونو ته به یې پر وخت رسیدګي وسي

او تر ډېره حده به يې د حل شاهدان و اوسئ.

د یادوني وړ ده چي میرویس نیکه لوړو زده کړو مؤسسه وخت نا وخت د محصلينو سره مخامخ غونډه کوي، تر څو ستونزو ته پر وخت د حل لاري لټول سوي وي.

نور اړوند خبرونه