میرویس نیکه لوړو زده کړو مؤسسې سل تنه ښځینه او نارینه ډاکټران ټولني ته د خدمت په موخه وړاندي کړل!

نن چهارشنبه د حمل میاشتي پر دريمه نېټه د میرویس نیکه لوړو زده کړو مؤسسې د معالجوي طب پوهنځی د لسمي دورې محصلینو فراغت غونډه ترسره سول.

په یاده غونډه کي د میرویس نیکه لوړو زده کړو مؤسسې عمومي رئیس ډاکټر نقیب الله افغان، د میرویس نیکه د روغتیایي علومو انستیتوت رئیس ډاکټر فاروق نعیمي، مالي او اداري مرستیال، د محصلانو چارو مرستیال، د پوهنځیو رئیسانو، اداري کارمندانو، استادانو، د ا.ا.ا استازو، د کندهار ولایت مرستیال، د ټولني روحانینو، علماء کرامو، د دولتي او خصوصي ادارو مسؤلینو، د فارغانو والدینو، میندو او خویندو ګډون کړی و.

په پرانسته کي عمومي رئیس ډاکټر افغان ټولو مېلمنو ته د ښه راغلاست تر څنګ مبارکي وویل، ښاغلي افغان وویل کلونه وړاندي مو اولادونه امانت په دې امید موږ ته را سپارلي وه، چي په لوړو زده کړو یې سمبال درته وسپارو نن الحمدالله هغه ورځ راغلې ده او د خپلو استادانو په زیار او هڅو ستاسو اولادونه په عالي تحصلاتو سمبال ټولني ته د ډاکټر په صفت د خدمت لپاره وړاندي کیږي.

د ډاکټر افغان په خبره چي د نورو امکاناتو تر څنک زموږ د معالجوي طب پوهنځی محصلینو ته د عملي زده کړي لپاره مجهز خصوصي روغتون چي محصلین په مسلکي ډول زده کړي پکښي کوي ځانګړی سوی دی.

ډاکټر صاحب افغان هیله وښودل چي کورنۍ دي په خپلو اولادونو لا هم نوري لوړي زده کړي وکړي.

د معالجوي طب پوهنځی رئیس ډاکټر فضل الرحمن حاشر

د محصلینو پر تحصیلي بریاو رڼا واچول او تر څنګ يې یادو ډاکټرانو او کورنۍ ته د دې ویاړ مبارکي وویل.

د طب پوهنځی استاد ډاکټر مسعود نوشاد په خپلو څرګندونو کي یاد تازه دمه ډاکټران وستایل؛ هغه وویل د یو استاد په حیث افتخار کوم؛ چي په ټولو خصوصي او دولتي روغتونونو کي د میرویس نیکه پوهنتون محصلان او فارغان د وطن خلګو ته په خدمت بوخت وي، ډاکټر نوشاد دوی ته په ژوند کي د لا بریالیتوب هیله وښودل.

د محصلینو په استازولۍ هم وینا وسول چي د خپل تحصيلي مزل پر لوړو ژورو، خاطرو او زده کړو يې رڼا واچول، د استادانو څخه یې د زړه د تله مننه وکړل چي زحمت یې ورسره کښلی دی.

د کندهار ولایت مقام مرستیال الحاج مولوي حیات الله مبارک د میرویس نیکه د لوړو زده کړو مؤسسې د رهبرۍ او استادانو څخه د زړه له تله مننه وکړل چي یو ستر خدمت ته یې مخه کړې ده او ځوان نسل روزي.

په پروګرام کي د امید خصوصي ښوونځی زده کوونکو ترانې وویلې، تمثيلي پارچه وړاندي سول او د غونډي په وروستیو کي ټولو فارغ محصلانو ته د عربي ژبي د الفبا د تورو مطابق د فراغت تصدیق پاڼي ورکول سوې ۔

د یادوني وړ ده چي میرویس نیکه لوړو زده کړو مؤسسې د ستاژ په برخه کي د هیواد په داخل او بهر کي هم محصلینو ته زمینه برابره کړې ده تر څو یاد ځوان ډاکټران وکولای سي چي خپله د ستاژ دوره بشپړ کړي.

نور اړوند خبرونه