د ورزش په برخه کي زموږ تکړه محصلين وپيژنئ!

ځوان فټبالر فيض محمد فیضي

د حقوقو او سياسي علومو پوهنځی محصل

میرویس نیکه لوړو زده کړو مؤسسه

ښاغلی فیض محمد فيضي د میرویس نیکه لوړو زده کړو مؤسسې د حقوقو او سياسي علومو پوهنځی د قضاء او څارنوالي څانګي د اووم سمسټر برحاله محصل دی.

فيضي صاحب د جنوب غرب حوزې او په خاص ډول د کندهار ولایت په ورزشي برخه کي د زیاتو لاسته راوړنو څخه برخمن دی چي څو څو ځله يې د مرکز کابل په لېګ برتر کي د میوند اتلانو لوبډلي په استازيتوب ګډون کړی دی.

همدا راز ښاغلي فیضي د افغانستان د فټبال په ملي لوبډله کي ګډون کړی دی او په یاده برخه کي يې خارج هیوادونه ته رسمي سفرونه کړي دي.

فیضي یو ځوان او تکړه فټبالر دی او تر څنګ يې د فټبال په برخه کي د دې سيمي د ځوانانو په روزلو کي پوره ونډه اخیسې ده او لا هم یاده لړۍ جریان لري.

میرویس نیکه لوړو زده کړو مؤسسه په خپلو درنو محصلینو افتخار کوي

او د ژوندانه په ټولو چارو کي ورته د بریالیتوب هیله لري.

نور اړوند خبرونه